काठमाडौं / क्रिकेट खेलाडी सन्दीप लामिछानेले अष्ट्रेलियामा क्रिकेट खेल्न पाउने भएका छन् । १६ वर्षिय प्रतिभाशाली लेग स्पिनर लामिछानेलाई अस्ट्रेलियामा क्रिकेट खेल्न महान खेलाडी माइकल क्लार्कले निम्ता गरेका हन् । अस्ट्रेलियाका पूर्व कप्तान माइकल क्लार्कले स्विस घडी हुब्लोटबाट अस्ट्रेलियामा खाने–बस्नेदेखि सम्पूर्ण खर्च जुटाइदिएपछि लामिछाने क्लार्कको क्रिकेट एकेडेमीमा अभ्यास गर्न जान लागेका हुन् ।
लामिछानेले ट्विटमार्फत आफ्नो अस्ट्रेलिया भ्रमण तय भएको जानकारी दिए। उनले यसका लाग अस्ट्रेलियाका पूर्व कप्तान क्लार्कलाई धन्यवाद दिएका छन्। उनको ट्विटको प्रत्युत्तर दिँदै क्लार्कले लेखेका छन्–‘तिमीलाई भेट्न आतुर छु।’ लामिछानेले पश्चिमी क्षेत्रको जिल्ला क्रिकेट क्लबमा रहेको क्लार्कको क्रिकेट एकेडेमीमा अभ्यास गर्दै सोही एकेडेमीबाट उमेर समूहको केही खेल पनि खेल्नेछन्।
0 comments:
Post a Comment