काठमाडौंः के तपाई अमेरिका जाने सोचमा हुनुहुन्छ ? अनि त्यसका लागि आवश्यक पर्ने राहदानी तथा प्रवेशाज्ञाका लागि तस्बिर खिच्दै हुनुहुन्छ ? होस गर्नुहोस् । चस्मा लगाएर तस्बिर खिचेमा अमेरिकाले प्रवेश नदिने भएको छ ।
अमेरिकी राहदानी तथा प्रवेशाज्ञाका लागि तस्बिर खिचाउँदा चस्मा अनिवार्य रुपमा फुकाल्नुपर्ने नेपालस्थित अमेरिकी राजदूतावासले जानकारी गराएको छ ।
यस अघि चस्मा लगाए पनि चल्ने व्यवस्थालाई परिवर्तन गर्दै अमेरिकी दूतावासले यो प्रावधान यही कात्तिक १६ बाट लागू हुने जानकारी गराएको छ ।
सोमबार विज्ञप्ति सार्वजनिक गर्दै दूतावासले यस्तो सूचना सार्वजनिक गरेको हो । सोमबार जारी विज्ञप्तिमा भनिएको छ ‘अमेरिकी राहदानी तथा प्रवेशाज्ञाका लागि तस्बिर खिचाउँदा हालै शल्यक्रिया गरी आँखाको सुरक्षाका लागि चस्मा लगाउनै पर्ने जस्ता विशेष स्वास्थ्य अवस्थामा मात्रै चस्मा लगाउन पाइने, नभए अनिवार्य रुपमा चस्मा फुकाल्नु पर्नेछ ।’
चस्मा लगाउनै पर्ने आवेदकले आवेदनका साथ शल्य चिकित्सक वा आँखा रोग विशेषज्ञको हस्ताक्षर भएको पत्र पनि अनिवार्य रुपमा पेश गर्नु पर्ने राजदुतावासले सूचना जारी गरेको छ ।
0 comments:
Post a Comment