सेना नभएका ८ देश जसले आवश्यकता पर्दा भाडामा लिन्छन् सेना

 संसारमा अमेरिकाले सेनालाई धेरै खर्च छ । अमेरिकापछि चीनले सैन्य क्षेत्रमा अत्याधिक खर्च गर्ने गरेको छ । यि त भए सेनाका लागि लगानी गर्ने राष्ट । संसारमा त्यस्ता देशहरु पनि छन्, जहाँ सेना नै छैन् । आवश्यकता परेको अवस्था ति देशहरुले विदेशबाट सेनालाई भाडामा लिने गरेका छन् ।

कोस्टारिका
सन् १९४८ को राष्टपति चुनावमा धाँधली भएपछि कोस्टारिकामा जनविद्रोह भएको थियो । त्यसपछि शासनसत्ता विद्रोहीहरुले कब्जामा लिए । नयाँ संविधान जारी गरियो । नयाँ संविधान जारी भएसँगै सैन्य व्यवस्था खारेज भयो । सन् १९५३ पछि कोस्टारिकामा १४ पटक राष्टपतिको चुनाव भइसकेको छ । सबै चुनाव शान्तिपूर्ण रुपमै सम्पन्न भएको छ । आवश्यकता पर्दा कोस्टारिकाले भाडामा सेना लिने गरेको छ ।
लिस्टेनश्टाइन
सन् १८६८ मा लिस्टेनश्टाइनले आफ्नो सेना भंग गरेको थियो । सेनाका लागि गर्नुपर्ने खर्च धेरै भएको भन्दै लिस्टेनश्टाइनले सेना विघटन गरेको थियो । त्यतिबेला नै सरकारले कुनै युद्धको आशंका भएमा तुरुन्तै सेना बनाउने भनेको थियो । तर अहिलेसम्म लिस्टेनश्टाइनले कुने देशसँग युद्ध गर्नुपरेको छैन् । यो देश कालो धनका कारण पनि चर्चामा आउँछ ।
समोआ
सन् १९६२ मा यो देश न्युजिल्याण्डबाट स्वतन्त्र भएको थियो । त्यसपछि अहिलेसम्म यो देशले सेना बनाएको छैन् । स्वतन्त्रताकै समयमा न्युजिल्याण्डले अफ्टेरो परेको परिस्थितीमा यो देशलाई सेना दिने आश्वासन दिएको थियो ।
एन्डोरा
युरोपको देश एन्डोरा सेना विहिन अर्को देश हो । एन्डोरालाई स्पेन र फ्रान्स आवश्यकता पर्दा सेना उपलब्ध गराउने आश्वासन दिएका छन् । यो देश कर नतिर्नेहरुका लागि स्वर्ग मानिन्छ ।

तुवालू
सन् २०१४ मा बनेको भारत प्रशान्त द्धीप सहयोग संगठनको एक सदस्य राष्ट हो, तूवालू । यो देश कुनै समय ब्रिटेनको अधिनमा थियो । यो सानो देशको क्षेत्रफल केवल २६ वर्ग किलोमिटर छ । त्यस्तै यहाँ केवल १० हजार जनता मात्रै छन् । बेलायतमा जस्तै यस देशमा पनि संसदीय प्रजातन्त्र र संवैधानिक राजतन्त्र छ ।

भ्याटिगन सिटी
इटलिको राजधानी रोममा रहेको भ्याटिगन सिटी संसारकै सबैभन्दा सानो देश हो । यस देशमा केवल ८ सय ४० जना बस्छन् । यसको क्षेत्रफल शुन्य दशलमव ४४ वर्गकिलोमिटर छ । यो क्याथोलिक चर्चको मुख्यालय हो । यस देशमा पनि सेना छैन् ।

ग्रेनेडा
ग्रेनेडा एउटा ठूलो टापू तथा बाँकी ससाना टापू मिलेर बनेको देश हो । यो देशको जनसंख्या १ लाखको हाराहारीमा छ । सन् १९८३ मा यहाँ सैनिक विद्रोह भएको थियो । त्यसपछि अमेरिकी हस्तक्षेप भयो । अहिले यहाँ सेना छैन् ।

नाउरु
नाउरु प्रशान्त महासागरमा रहेको टापू हो । यो देश २१ दशमलव १० वर्गकिलोमिटरमा फैलिएको छ । यहाँ १० हजार मानिस बस्छन् । एक सम्झौतापछि अस्टेलियाले नाउरुको सुरक्षाको जिम्मा लिएको छ । त्यसैले यस देशको छुट्टै सेना छैन् । एजेन्सीकाे सहयाेगमा