हङकङमा बस्दै आएका नेपालीहरुबीच आइतबार बिहान ग्याङ फाइट भएको छ । बिहानै भएको ग्याङ फाइटका क्रममा त्यहाँस्थित प्रहरीले अवस्थालाई नियन्त्रणमा लिन चार राउन्ड गोली हानेको छ । हङकङको जोर्डनमा आइतवार बिहान ६ बजेको समयमा नेपाली युवाहरुबीच छुरा हानाहान भएपछि अवस्था नियन्त्रणमा लिन प्रहरीले गोली हानेको हो ।
दुई नेपाली समूहबीच ग्याङ फाइट भइरहेको खबर ट्याक्सी ड्राइभरले दिएपछि प्रहरी तत्कालै घटनास्थलमा पुगेको थियो। प्रहरी पुगेपछि पनि नेपाली युवाहरुबीच छुरा हानाहान भएको थियो । त्यसक्रममा प्रहरीले गोली चलाउँदा दुईजना गम्भीर घाइते भएका हुन्। उनीहरुलाई तत्कालै उपचारका लागि क्वीन एलिजावेथ अस्पतालमा भर्ना गरिएको छ ।
प्रहरीले चलाएको गोली एकजनाको कम्मर र खुट्टामा लागेको छ । अर्काको युवाको पाखुरामा गोली लागेको बताइएको छ । उनको टाउकोमा पनि छुराले गहिरो चोट लागेको बताइएको छ । घटनामा संलग्न युवाहरुको परिचय खुलिसकेको छैन । तर उनीहरु हङकङ आइडी होल्डर नेपाली रहेको त्यहाँस्थित एचके अन सीसीले उल्लेख गरेको छ । कारोबार दैनिक
0 comments:
Post a Comment