सलमानको घरमा रातभर शाहरुख बसेपछि

काठमाडौं, मंसिर १६ – सलमानको घरमा आयोजित पार्टीमा पुगेका शाहरुख बिहान चार बजे निस्किए, उनलाई छाड्न सलमान बाहिर आए र यी दुईले अँगालो मारे ।
बलिउडका दुई खान सलमान र शाहरुखको नाम प्रशंसकले पनि हम्मेसी सँगै लिँदैनन् । यस्तो किनभने यी दुईबीच लामो समययता ‘कोल्डवार’ जारी थियो ।

तर, अब यस्तो सम्बन्ध इतिहास बनेको छ । अर्थात्, शाहरुख र सलमान एक–अर्काका ‘साथी बनिसकेका’ छन् । त्यसैले पनि हुनुपर्छ, यी दुई अब एक–अर्काको घरमा आयोजना भएका पार्टीमा पुग्न थालेका छन् । शाहरुखले ‘कोल्डप्ले ब्यान्ड’को सम्मानमा राखेको पार्टीमा सलमान गएको धेरै लामो भएको छैन ।
त्यस्तै, अब सलमानले आयोजना गरेको पार्टीमा शाहरुख पुगेको समाचार अहिले बलिउडमा भाइरल भएको छ । सलमानले ग्यालेक्सी अपार्टमेन्टमा राखेको पार्टीमा शाहरुख मध्यरातमा पुगेका थिए ।नयाँ पत्रिकाले छापेको छ ।
उनी त्यहाँ बिहान चार बजेसम्म बसेको भारतीय मिडिया दैनिक भास्करले लेखेको छ । यति मात्र होइन, पार्टीको अन्त्यमा सलमान शाहरुखलाई ‘सि–अफ’ गर्न पनि पुगे । शाहरुख गाडीमा बस्नुअघि यी दुईले अंकमाल पनि गरे । अहिले यही समाचार बलिउडमा व्यापक चर्चामा छ ।